വടകര: എക്കൊ കൊയിലാണ്ടി വളപ്പ് നവാസ് നിസാര്‍ നോളജ് സെന്ററിലെ ട്യൂഷന്‍ ക്ലാസിന്റെ ഉദ്ഘാടനം പ്രവേശനോത്സവമായി ആഘോഷിച്ചു. 5 മുതല്‍ എസ്.എസ്.എല്‍.സി ക്ലാസുകളിലെ വിദ്യാര്‍ഥികള്‍ക്കാണ് ട്യൂഷന്‍ ആരംഭിക്കുന്നത്. ഇന്നലെ രാവിലെ 11നു നടന്ന ചടങ്ങ് എസ്.വി അബ്ദുല്ല ഉദ്ഘാടനം ചെയ്തു. എക്കൊ ജി.സി.സി സെക്രട്ടറി കെ.പി അഷ്‌കര്‍ അധ്യക്ഷനായി.
എം.യു.എം ഹയര്‍ സെക്കന്‍ഡറി പ്രിന്‍സിപ്പല്‍ കെ. സജീവന്‍ ക്ലാസെടുത്തു. മുന്‍ അധ്യാപിക ശ്രീധരി, എക്കൊ കൊയിലാണ്ടി വളപ്പ് സെക്രട്ടറി ആര്‍. സിറാജ്, എം. സഹദ്, ഇ.കെ സൈഫുദ്ദീന്‍, സി.ടി നിസാര്‍, കെ.പി ആസിഫ്, തഹ്‌സിന്‍, എം.എം ഫായിദ് സംസാരിച്ചു.