നാല് ഇന്ത്യന്‍ സൈനികര്‍ ഗുരുതരാവസ്ഥയില്‍
ന്യൂഡല്‍ഹി: ഗാല്‍വാന്‍ താഴ്‌വരയിലുണ്ടായ ഇന്ത്യാ -ചൈന സംഘര്‍ഷത്തില്‍ വീരമൃത്യു വരിച്ച ഇന്ത്യയുടെ ധീരസൈനികര്‍ക്ക് ആദരാഞ്ജലിയര്‍പ്പിച്ച് രാജ്യം.
20 ഇന്ത്യന്‍ സൈനികരാണ് തിങ്കളാഴ്ച രാത്രിയുണ്ടായ ചൈനീസ് അതിക്രമത്തില്‍ കൊല്ലപ്പെട്ടത്.
സംഘര്‍ഷത്തില്‍ പരുക്കേറ്റ നാലു ഇന്ത്യന്‍ സൈനികരുടെ നില അതീവ ഗുരുതരമാണ്. നിരവധി പേരാണ് സൈനികര്‍ക്ക് ആദരാഞ്ജലിയര്‍പ്പിച്ചത്. മാതൃരാജ്യം സംരക്ഷിക്കാനുള്ള ധീരോദാത്തമായ പ്രവര്‍ത്തനത്തിലൂടെ അവര്‍ രാജ്യത്തിന്റെ ജനങ്ങളുടെ മനസ്സില്‍ എക്കാലത്തും ജീവിക്കുമെന്ന് മുന്‍ ക്രിക്കറ്റ് താരം സച്ചിന്‍ ടെന്‍ഡുല്‍ക്കര്‍ ട്വിറ്റില്‍ കുറിച്ചു.
വീരചരമം പ്രാപിച്ച ജവാന്‍മാരുടെ കുടുംബത്തൊടൊപ്പം രാജ്യം നിലകൊള്ളുമെന്നും സച്ചിന്‍ പറഞ്ഞു.