കിങ്സ്റ്റന്‍: ചരിത്ര നേട്ടത്തിലേക്ക് ഉറ്റുനോക്കുന്ന സ്പ്രിന്റ് ഇതിഹാസം ഉസൈന്‍ ബോള്‍ട്ടിനെ ജമൈക്ക ഒളിംപിക്‌സിനുള്ള ടീമില്‍ ഉള്‍പ്പെടുത്തി. കാലിനേറ്റ പരുക്കിനെ തുടര്‍ന്ന് ഒളിംപിക്‌സ് നഷ്ടമാകുമെന്ന അഭ്യൂഹങ്ങള്‍ക്കിടെയാണ് ബോള്‍ട്ടിനെ ടീമിലുള്‍പ്പെടുത്തിയിരിക്കുന്നത്. 63 അംഗ ടീമിനെയാണ് പ്രഖ്യാപിച്ചിരിക്കുന്നത്.
പരുക്ക് ഗുരുതരമായതിനെ തുടര്‍ന്ന് ജമൈക്കന്‍ ഒളിംപിക്‌സ് ട്രയല്‍സില്‍ നിന്ന് ബോള്‍ട്ട് പിന്‍മാറിയിരുന്നു. ട്രയല്‍സില്‍ നിന്ന് ഒഴിവാക്കിത്തരണം എന്ന് ആവശ്യപ്പെട്ട് ബോള്‍ട്ട് അസോസിയേഷന് കത്ത് നല്‍കുകയായിരുന്നു. ഇതു പരിഗണിച്ച അസോസിയേഷന്‍ നിയമത്തില്‍ ഇളവ് നല്‍കിയാണ് ബോള്‍ട്ടിനെയും പട്ടികയില്‍ ഉള്‍പ്പെടുത്തിയത്. അതേസമയം ലണ്ടനില്‍ നടക്കുന്ന ഡയമണ്ട് ലീഗ് മീറ്റില്‍ മത്സരിച്ച് കായികക്ഷമത തെളിയിച്ചാല്‍ മാത്രമേ ബോള്‍ട്ടിന് റിയോയില്‍ മത്സരിക്കാന്‍ സാധിക്കൂ.