താമരശേരി: ഐ.എന്‍.എല്‍ ജൂബിലി സമ്മേളനത്തിന്റെ മുന്നോടിയായി നാളെ വൈകിട്ട് നാലിന് താമരശേരിയില്‍ പ്രഖ്യാപന റാലിയും സുലൈമാന്‍ സേട്ട് സാഹിബ് അനുസ്മരണവും നടത്തുമെന്ന് ഭാരവാഹികള്‍ വര്‍ത്താസമ്മേളനത്തില്‍ അറിയിച്ചു. കൊടുവള്ളി നയോജക മണ്ഡലം കമ്മിറ്റിയുടെ ആഭിമുഖ്യത്തില്‍ ഒരു വര്‍ഷം നീണ്ടണ്ടു നില്‍ക്കുന്ന വിപുലമായ കര്‍മ പരിപാടികളാണ് ആസൂത്രണം ചെയ്തിരിക്കുന്നത്. അനുസ്മരണ സമ്മേളനം അഖിലേന്ത്യാ ജനറല്‍ സെക്രട്ടറി അഹമ്മദ് ദേവര്‍കോവില്‍ ഉദ്ഘാടനം ചെയ്യും. കാരാട്ട് റസാഖ് എം.എല്‍.എ മുഖ്യാതിഥിയാകും സംസ്ഥാന ജന.സെക്രട്ടറി പ്രൊഫ. എ.പി അബ്ദുള്‍ വഹാബ് മുഖ്യപ്രഭാഷണം നടത്തും. വാര്‍ത്താസമ്മേളനത്തില്‍ കോതൂര്‍ മുഹമ്മദ മാസ്റ്റര്‍, സി.പി അബ്ദുള്ളകോയ തങ്ങള്‍, എ.പി മുസ്തഫ, ഒ.പി അബ്ദുറഹിമാന്‍, സി.പി നാസര്‍ കോയ തങ്ങള്‍, വഹാബ് മണ്ണില്‍ കടവ് , അബ്ദുസലാം പങ്കെടുത്തു.