കുന്ദമംഗലം: പൊതുവിദ്യാഭ്യാസ സംരക്ഷണയജ്ഞത്തിന്റെ ഭാഗമായി കുന്ദമംഗലം എ.എം.എല്‍.പി സ്‌ക്കൂളില്‍ ' ഒത്തുച്ചേരല്‍ 2017 'സംഘടിപ്പിച്ചു. പി.ടി.എ റഹീം എം.എല്‍.എ ഉദ്ഘാടനം ചെയ്തു.
പഞ്ചായത്ത് പ്രസിഡന്റ് ടി.കെ സീനത്ത് അധ്യക്ഷയായി.സ്‌കൂള്‍ സുവനീര്‍ കുന്ദമംഗലം ബ്ലോക്ക് പഞ്ചായത്ത് പ്രസിഡന്റ് രമ്യ ഹരിദാസ് ഡോ.നസീഫിന് നല്‍കി പ്രകാശനം ചെയ്തു.
പൂര്‍വ അധ്യാപകരെയും മുതിര്‍ന്ന പൗരന്‍മാരെയും വിവിധ മേഖലകളില്‍ മികവ് പുലര്‍ത്തിയവരെയും പഞ്ചായത്ത് വൈസ് പ്രസിഡന്റ് വിനോദ് പടനിലം, ഷമീന വെള്ളക്കാട്ട്, എം. ബാബുമോന്‍, എം.വി ബൈജു, അസ്ബിജ സക്കീര്‍ഹുസൈന്‍, ഷറീന ഹസീബ്, പി. ബീബി എന്നിവര്‍ ആദരിച്ചു. കായക്കല്‍ അഷ്‌റഫ്, വി അനില്‍കുമാര്‍, രമേശന്‍, എ. മൊയ്തീന്‍ ഹാജി, ടി. ചക്രായുധന്‍, മാനേജര്‍ കെ.പി ശിവാനന്ദന്‍, കെ.എം സജീഷ് നാരായണന്‍, പി.കെ ബാപ്പു ഹാജി, അശ്വതി, എന്‍.എം യൂസുഫ്, എം.കെ ഇമ്പിച്ചിക്കോയ, അബൂബക്കര്‍ കുന്ദമംഗലം, നിധീഷ് സംസാരിച്ചു.
സമാപനത്തോടനുബന്ധിച്ച് നവാസ് പാലേരിയുടെ കഥാ അവതരണം, ഗാനമേളയും അരങ്ങേറി.