എണ്പതുകാരന് പഞ്ചായത്ത് പെന്ഷന് നല്കണം: മനുഷ്യാവകാശ കമ്മിഷന്
കൊല്ലം: എണ്പത് വയസിലേറെ പ്രായമുള്ള രണ്ട് കണ്ണുകള്ക്കും കാഴ്ചയില്ലാത്ത പട്ടികജാതിക്കാരനായ വ്യക്തിക്ക് പഞ്ചായത്ത് ഫണ്ടില് നിന്ന് അനുവദിക്കാവുന്ന വാര്ധക്യകാല പെന്ഷന് ഒരു മാസത്തിനകം വിതരണം ചെയ്ത ശേഷം രേഖാമൂലം അറിയിക്കണമെന്ന് സംസ്ഥാന മനുഷ്യാവകാശ കമ്മിഷന്.
കിഴക്കേകല്ലട തെക്കേമുറി പ്രസന്നമന്ദിരത്തില് വാസുദേവന് പെന്ഷന് അനുവദിക്കുന്നതില് ഗുരുതരമായ കൃത്യവിലോപം നടത്തിയ ഉദ്യോഗസ്ഥരെ കുറിച്ച് പഞ്ചായത്ത് ഡയരക്ടര് യഥോചിതം വിലയിരുത്തണമെന്നും കമ്മിഷന് അംഗം കെ മോഹന്കുമാര് ഉത്തരവില് പറഞ്ഞു.2013 മുതലുള്ള കുടിശ്ശിക സഹിതം രണ്ട് മാസത്തിനുള്ളില് പെന്ഷന് അനുവദിക്കണമെന്ന് കമ്മിഷന് 2017 സെപ്റ്റംബര് 15 ന് പഞ്ചായത്ത് ഡയരക്ടര്ക്ക് ഉത്തരവ് നല്കിയിരുന്നു. എന്നാല് തനിക്കിത് വരെ പെന്ഷന് തുക ലഭിച്ചിട്ടില്ലെന്ന് പരാതിക്കാരന് കഴിഞ്ഞ മെയ് മാസം കമ്മിഷനില് വീണ്ടും പരാതി നല്കുകയായിരുന്നു.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."