ന്യുഡല്‍ഹി: അതിര്‍ത്തിയില്‍ സൈനികരെ കാണാതായിട്ടില്ലെന്ന് കരസേന. കാണാതായെന്ന റിപ്പോര്‍ട്ടുകള്‍ ശരിയല്ലെന്നും കരസേന അധികൃതര്‍ വ്യക്തമാക്കി. ചൈനീസ് അതിര്‍ത്തിയിലേക്ക് പോയ ഇന്ത്യന്‍ സൈനികരില്‍ ചിലരെ കാണാതായെന്ന അഭ്യൂഹം രണ്ട് ദിവസമായി നിലനിന്നിരുന്നു. മലയിടുക്കിലും നദിയിലേക്കും വീണ് സൈനികരെ കാണാതായെന്നായിരുന്നു പ്രചാരണം. ഇതിന് പിന്നാലെയാണ് കരസേന തന്നെ വിശദീകരണവുമായി രംഗത്തെത്തിയത്.

അതേസമയം ചൈനീസ് അതിര്‍ത്തിയിലേക്ക് പോയ സൈനികര്‍ നിരായുധരായിരുന്നില്ലെന്ന് വിദേശകാര്യ മന്ത്രി എസ്.ജയശങ്കര്‍ വിശദീകരിച്ചു.