കോഴിക്കോട്: ക്വാറന്റീനില്‍ പോകാന്‍ നിര്‍ദേശിച്ച ഡ്രൈവര്‍ പൊതുസ്ഥലങ്ങളിലൂടെ ഊരുചുറ്റുന്നതായി പരാതി. ബസ്സ് സ്റ്റോപ്പിലും പൊലിസ് സ്റ്റേഷന്‍ പരിസരത്തുമെല്ലാം ഇയാള്‍ ചുറ്റിത്തിരിയുന്നുവെന്നാണ് പരാതി. പശ്ചിമ ബംഗാളിലേക്ക് യാത്രപോയി കഴിഞ്ഞ പതിനാറാം തീയതി തിരികെവന്ന പുതുപ്പാടി പഞ്ചായത്തിലെ പപെരുമ്പള്ളി ആനപ്പാറപൊയില്‍ അനില്‍ കുമാറിനെതിരെ സംഭവത്തില്‍ പുതുപ്പാടി കുടുംബാരോഗ്യ കേന്ദ്രം മെഡിക്കല്‍ ഓഫിസര്‍ പൊലിസില്‍ പരാതി നല്‍കി.

ഇയാള്‍ ക്വാറന്റീനില്‍ കഴിയാതെ നാട്ടിലാകെ ചുറ്റി തിരിഞ്ഞു നടക്കുന്നതിനാല്‍ നടപടി സ്വീകരിക്കണമെന്നാണ് ആവശ്യം. ഇന്ന് വൈകിട്ട് അഞ്ചു മണിയോടെ താമരശ്ശേരി പൊലിസ് സ്റ്റേഷന് സമീപം ഉണ്ടായിരുന്നത്രെ. കൂടെയുണ്ടായിരുന്ന സുഹൃത്തുക്കളില്‍ ചിലര്‍ പൊലിസ് സ്റ്റേഷന് അകത്തും പ്രവേശിച്ചിരുന്നു. പെരുമ്പള്ളി ബസ് സ്റ്റോപ്പിലും ഏറെ നേരം ഇയാളെ നാട്ടുകാര്‍ കണ്ടിരുന്നു. തുടര്‍ന്നാണ് നടപടി ആവശ്യപ്പെട്ട് ആരോഗ്യ വകുപ്പ് പൊലിസിനെ സമീപിച്ചത്.