കാസര്‍കോട്: പൊവ്വല്‍ മഖാം ഉറൂസിന് നാളെ തുടക്കമാവുമെന്ന് ബന്ധപ്പെട്ടവര്‍ വാര്‍ത്താസമ്മേളനത്തില്‍ അറിയിച്ചു. 31ന് വൈകുന്നേരം നാലിന് പൊവ്വല്‍ ജമാഅത്ത് പ്രസിഡന്റ് എം. കുഞ്ഞബ്ദുല്ല ഹാജി പതാക ഉയര്‍ത്തുന്നതോടെ ഉറൂസിന് തുടക്കമാവും.
രാത്രി ഏഴിന് സയ്യിദ് എം.പി.എം സൈനുല്‍ ആബിദിന്‍ തങ്ങള്‍ കുന്നുംകൈ ഉദ്ഘാടനം ചെയ്യും. ബിസ്മില്ല മുഹമ്മദ് കുഞ്ഞി അധ്യക്ഷനാവും.
തുടര്‍ന്നുള്ള ദിവസങ്ങളില്‍ സമസ്ത പ്രസിഡന്റ് ജിഫ്‌രി മുത്തുക്കോയ തങ്ങള്‍, സമസ്ത ജനറല്‍ സെക്രട്ടറി പ്രൊഫസര്‍ ആലിക്കുട്ടി മുസ്‌ലിയാര്‍, സയ്യിദ് അലി തങ്ങള്‍, സയ്യിദ് ഫസല്‍ ഹാമിദ് കോയമ്മ തങ്ങള്‍ കുന്നുംകൈ എന്നിവര്‍ പ്രാര്‍ഥനയ്ക്ക് നേതൃത്വം നല്‍കും.
വിവിധ ദിവസങ്ങളില്‍ സ്വാലിഹ് അന്‍വരി ചേകന്നൂര്‍, അബ്ദു സമദ് പൂക്കോട്ടൂര്‍, സുബൈര്‍ ദാരിമി പൊവ്വല്‍, ഹനീഫ് നിസാമി മഞ്ചേശ്വരം, ഹമ്മാദ് ബാഖവി തിരുവനന്തപുരം, മന്‍സൂര്‍ അലി കാപ്പ് പ്രഭാഷണം നടത്തും. ഏപ്രില്‍ ഏഴിന് അന്നദാനത്തോടെ ഉറൂസ് സമാപിക്കും.
വാര്‍ത്താസമ്മേളനത്തില്‍ സംഘാടകസമിതി ഭാരവാഹികളായ അബ്ദുല്ല കുഞ്ഞി ഹാജി, സുബൈര്‍ ദാരിമി പൊവ്വല്‍, എ.പി ഹസൈനാര്‍, എ.ബി ഷാഫി, എസ്.എം മുഹമ്മദ് കുഞ്ഞി, ബിസ്മില്ല മുഹമ്മദ് കുഞ്ഞി, മുഹമ്മദ് പള്ളം സംബന്ധിച്ചു.