മസ്കറ്റ് :കോവിഡ് പ്രതിസന്ധി മൂലം ഒമാനിൽ കുടുങ്ങിപ്പോയ പ്രവാസികൾക്ക് ആശ്വാസമായി മസ്കറ്റ് സുന്നി സെന്ററിന്റെ ചാർട്ടേഡ് വിമാനം നാളെ   മസ്കറ്റ്  എയർപ്പോട്ടിൽ നിന്ന് കോഴിക്കോട്ടേക്ക് പുറപ്പെടും. നാളെ പുലർച്ചെ 5.40 ന് പുറപ്പെടുന്ന സലാം എയർ വിമാനം 10.40 കോഴിക്കോട് എയർപോർട്ടിൽ എത്തിച്ചചേരും. 

 

കേന്ദ്ര സംസ്ഥാന സർക്കാരുകളുടെ നിർദ്ദേശങ്ങൾ പാലിച്ച് വന്ദേ ഭാരത് മിഷന് ഏകദേശം  തുല്യമായ 105 ഒമാനി റിയാലാണ്  യാത്രക്കാരിൽ ഈടാക്കുന്നത്.  രോഗികൾ, ഗർഭിണികൾ, വിസ കാലാവധി കഴിഞ്ഞവർ ,ജോലി നഷ്ടപ്പെട്ടവർ,  തുടങ്ങി 180 പേരാണ്  യാത്ര സംഘത്തിൽ ഉള്ളത്. യാത്രക്കാർക്ക് 25 കിലോ ലഗേജിന് പുറമെ 7 കിലോ ഹാൻഡ്ബാഗും കൊണ്ട് പോകാം. 

 

കൂടുതൽ ചാർട്ടേർഡ് വിമാനങ്ങൾക്ക് അനുമതി ലഭിച്ചതിനാൽ മറ്റ്‌ സംഘടനകളും കമ്പനികളും ചാർട്ടേർഡ് വിമാനത്തിന്റെ ഷെഡ്യൂളിനായി കാത്തിരിക്കെയാണ് ജൂൺ ഇരുപത് മുതൽ  ഒമാനിൽ നിന്നും കേരളത്തിലേക്ക് യാത്ര ചെയ്യുന്നവർക്ക്  കോവിഡ് ടെസ്റ്റ്‌ നിർബന്ധമാക്കിയത്.അതിനാൽ തങ്ങളുടെ രണ്ടാമത്തെ ചാർട്ടേർഡ് വിമാനം  നാടണയുന്ന കാര്യം സംശയമാണെന്ന് സക്കീർ ഫൈസി അറിയിച്ചു.