പയ്യന്നൂര്‍: ഏഴിമല, കോട്ടയില്‍ പള്ളി, തലക്കാല്‍ പള്ളി സംയുക്ത എട്ടിക്കുളം മഖാം ഉറൂസ് 22 മുതല്‍ 27 വരെ നടക്കും. നാളെ ഉച്ചക്ക് രണ്ടിന് സ്വാഗത സംഘം ചെയര്‍മാന്‍ ഒ.പി ഹമീദ് ഹാജി പതാകയുയര്‍ത്തും. തുടര്‍ന്ന് തലക്കാല്‍ പള്ളി മഖാം സിയാറത്ത്. 22ന് വൈകുന്നേരം ഏഴിന് പി.കെ.പി അബ്ദുസലാം മുസ്‌ലിയാര്‍ ഉദ്ഘാടനം ചെയ്യും. 23ന് അസര്‍ നിസ്‌കാരത്തിന് ശേഷം മജ്‌ലിസുന്നൂറിന് അബ്ദുല്‍ഖാദിര്‍ ഫൈസി പട്ടാമ്പി നേതൃത്വം നല്‍കും. 23ന് മഗ്‌രിബ് നിസ്‌കാരത്തിന് ശേഷം ആബിദ് ഹുദവി പ്രഭാഷണം നടത്തും. 24ന് കോട്ടയില്‍ പള്ളി മഖാം സിയാറത്തിനും മത്സ്യതൊഴിലാളികളുടെ ക്ഷേമത്തിനായി കൂട്ടപ്രാര്‍ഥനക്കും പാണക്കാട് സയ്യിദ് ഷമീറലി ശിഹാബ് തങ്ങള്‍ നേതൃത്യം നല്‍കും. 25ന് സിദ്ദിഖ് ദാരിമി ബക്കളവും 26ന് അബ്ദുല്‍ ഗഫൂര്‍ മൗലവി കീച്ചേരിയും പ്രഭാഷണം നടത്തും. 27ന് സമാപനവും ഖത്മുല്‍ ഖുര്‍ആന്‍ ദിക്‌റ് ദുആ സമ്മേളനവും നടക്കും. സയ്യിദ് സിറാജുദ്ദീന്‍ തങ്ങള്‍ അല്‍ ബുഖാരി മലപ്പുറം ഉദ്ഘാടനം ചെയ്യും. ഉച്ചയ്ക്ക് ശേഷം മഖാം പരിസരത്ത് അന്നദാനവും ഉണ്ടാകുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. ഹുസൈന്‍ ഫൈസി ഇര്‍ഫാനി, ഒ.പി ഹമീദ് ഹാജി, വി.പി അബ്ദുല്‍ ഗഫൂര്‍, ബഷീര്‍ ദാരിമി, എം.എ പക്കാന്‍ മജീദ്, കബീര്‍ പടന്ന പങ്കെടുത്തു.