തിരുവനന്തപുരം: ഏകജാലക സംവിധാനത്തിന്റെ വിവിധ അലോട്ട്‌മെന്റുകളില്‍ അപേക്ഷിച്ചിട്ടും ലഭിക്കാത്തവര്‍ക്കും അപേക്ഷ സമര്‍പ്പിക്കാന്‍ കഴിയാത്തവര്‍ക്കും വേണ്ടിയുള്ള ഒന്നാം സപ്ലിമെന്ററി അലോട്ട്‌മെന്റ് പ്രസിദ്ധീകരിച്ചു. റിസള്‍ട്ട് അഡ്മിഷന്‍ വെബ്‌സൈറ്റായ www.hscap.kerala.gov.in ലെ സപ്ലിമെന്ററി റിസള്‍ട്ട് എന്ന ലിങ്കിലൂടെ പരിശോധിക്കാം.
അലോട്ട്‌മെന്റ് ലഭിച്ചവര്‍ വെബ്‌സൈറ്റില്‍ സപ്ലിമെന്ററി റിസള്‍ട്ട് ലിങ്കിലൂടെ ലഭിക്കുന്ന രണ്ടു പേജുള്ള അലോട്ട്‌മെന്റ് സ്ലിപ്പുമായി അലോട്ട്‌മെന്റ് ലഭിച്ച സ്‌കൂളില്‍ ജൂലൈ ആറിന് രാവിലെ 10 മുതല്‍ ജൂലൈ 10ന് വൈകിട്ട് അഞ്ചിനകമുള്ള സമയത്ത് സ്ഥിരപ്രവേശനം നേടണമെന്ന് ഹയര്‍സെക്കന്‍ഡറി ഡയരക്ടര്‍ അറിയിച്ചു.