കുന്നംകുളം: മരത്തംകോട് വീട്ടില്‍ നിന്നും സ്വര്‍ണാഭരണം കവര്‍ന്ന യുവാവും യുവതിയും അറസ്റ്റില്‍.മരത്തംകോട് കറുപ്പംവീട്ടില്‍ ശറഫുദ്ധീന്റെ വീട്ടില്‍ നിന്നും സ്വര്‍ണാഭരണങ്ങള്‍ കവര്‍ന്ന കേസില്‍ തൈക്കാട് നെന്മിനി പുതുക്കോട് സുഭാഷ് (23), പാലുവായ് കറുത്തവക വീട്ടില്‍ സ്‌നേഹ (20) എന്നിവരാണ് പിടിയിലായത്.
സംശയത്തിന്റെ അടിസ്ഥാനത്തില്‍ യുവതിയെ വിളിച്ചു ചോദ്യം ചെയ്തതില്‍ നിന്നാണ് പ്രതികള്‍ കുറ്റം സമ്മതിച്ചത്.
നഷ്ട്ടപെട്ട സ്വര്‍ണാഭരണങ്ങളില്‍ ഉള്‍പ്പെട്ട രണ്ടു വളകള്‍ ഇവരില്‍ നിന്നും കണ്ടെടുത്തു.
കുന്നംകുളം എസ്.എച്ച്.ഒ വിജയകുമാറിന്റെ നേതൃത്വത്തിലുള്ള അന്വേഷണ സംഘത്തില്‍ എസ്.ഐ യു.കെ ഷാജഹാന്‍, എസ്.ഐ പി.ആര്‍ രാജീവ്, സീനിയര്‍ സിവില്‍ പൊലിസ് ഓഫിസര്‍മാരായ ജിജോ ജോണ്‍, വര്‍ഗീസ്, സിവില്‍ പൊലിസ് ഓഫിസര്‍മാരായ സുമേഷ് വി.പി, സന്ദീപ്, വനിതാ സിവില്‍ പൊലിസ് ഓഫിസര്‍മാരായ ഓമന, ബിന്ദു എന്നിവരുണ്ടായിരുന്നു.