മട്ടന്നൂര്‍: ഡെങ്കിപ്പനി തടയുന്നതില്‍ നഗരസഭയും ആരോഗ്യവകുപ്പും കാണിക്കുന്ന അനാസ്ഥയില്‍ പ്രതിഷേധിച്ച് നഗരസഭയിലെ പ്രതിപക്ഷ കൗണ്‍സിലര്‍മാരും യു.ഡി.എഫ് പ്രവര്‍ത്തകരും ഇന്നലെ രാവിലെയാണ് മട്ടന്നൂര്‍ ബസ് സ്റ്റാന്‍ഡിന് മുന്നില്‍ റോഡ് ഉപരോധിച്ചു. വനിതകളടക്കമുള്ളവരെ പൊലിസ് അറസ്റ്റ് ചെയ്ത് നീക്കി. കൗണ്‍സില്‍ യോഗം ബഹിഷ്‌കരിച്ച ശേഷമാണ് പ്രതിപക്ഷ കൗണ്‍സിലര്‍മാര്‍ സമരത്തിനെത്തിയത്. ഡെങ്കിപ്പനി പടരുന്ന വിഷയം ചര്‍ച്ച ചെയ്യണമെന്ന ആവശ്യം ചെയര്‍മാന്‍ നിരാകരിച്ചതായി ഇവര്‍ ആരോപിച്ചു. പ്രതിപക്ഷ നേതാവ് പി.വി ധനലക്ഷ്മി, കെ.വി പ്രശാന്ത്, പി.പി ജലീല്‍, കെ. ഉഷ, വി.പി ഇസ്മാഈല്‍, സുബൈദ, തസ്ലീമ ബഷീര്‍, വിനേഷ് ചുള്ള്യന്‍, സി. അജിത്ത് കുമാര്‍, സനോജ് പെരിഞ്ചേരി തുടങ്ങിയവര്‍ നേതൃത്വം നല്‍കി.