പറമ്പിക്കുളം: പറമ്പിക്കുളത്ത് വേനല്‍ ചൂട് ശക്തം കാട്ടുതീക്കെതിരെ ജാഗ്രതാ ശക്തമാക്കി വനംവകുപ്പ്. വേനല്‍ ചൂട് വര്‍ധിക്കുന്നതിന്റെ ഭാഗമായി പറമ്പിക്കുളത്ത് എത്തുന്ന വിനോദ സഞ്ചാരികളുടെ എണ്ണത്തിലും കുറവുണ്ട്. ഫയര്‍സീസണിന്റെ ഭാഗമായി കടുവാ സങ്കേതത്തിനകത്ത് മാര്‍ച്ച് ഒന്നു മുതല്‍ പതിനഞ്ച് വരെയുള്ള ദിവസങ്ങളില്‍ വിനോദ സഞ്ചാരികളുടെ വിലക്ക് ഉണ്ടായിരുന്നു.
നിലവില്‍ ചൂട് വര്‍ധിച്ചതിനാല്‍ പറമ്പിക്കുളത്ത് എത്തിച്ചേരുന്ന വിനോദ സഞ്ചാരികള്‍ക്ക് വേനലിന്റെ ഭാഗമായി കാട്ടുതീക്കെതിരെ ബോധവല്‍ക്കരണം വ്യാപകമായി നടത്തുകയാണ്. വിനോദ സഞ്ചാരികളെ ട്രക്കിങ്ങിനും വനാന്തരത്തിനകത്തുള്ള യാത്രകള്‍ക്ക് കര്‍ശനമായ നിയന്ത്രണത്തോടെയാണ് അനുവാദം നല്‍കുന്നത്.വന്യമൃഗങ്ങള്‍ക്ക് കുടിവെള്ളത്തിനായി നിര്‍മ്മിച്ച കുളങ്ങളില്‍ ജലം നിറക്കുന്ന പണികളും ഊര്‍ജിതമാക്കീട്ടുണ്ടെന്ന് അധികൃതര്‍ പറഞ്ഞു.