മുംബൈ: പ്രശസ്ത ഇസ്‌ലാമിക പണ്ഡിതന്‍ സാക്കിര്‍ നായിക് ഇന്ന് മാധ്യമങ്ങളെ കാണും. സ്‌കൈപ്പ് വഴിയായിരിക്കും മാധ്യമങ്ങളെ കാണുക യെന്ന് സാക്കിര്‍ നായിക്കുമായി ബന്ധപ്പെട്ടവര്‍ അറിയിച്ചു. ബോളിവുഡ് താരങ്ങള്‍,അഭിഭാഷകര്‍,വിവിധ എന്‍.ജി.ഒ അംഗങ്ങള്‍ തുടങ്ങിയ പ്രമുഖ വ്യക്തികളും അദ്ദേഹത്തോടൊപ്പം മാധ്യമങ്ങളെ കാണുമെന്നു സാക്കിര്‍ നായിക്കിന്റെ വക്താവ് അറിയിച്ചു. ഇപ്പോള്‍ സഊദിയിലെ മക്കയിലാണ് നായിക് ഉള്ളത്.
ധാക്ക ആക്രമണത്തിലെ പ്രതികള്‍ സാക്കിര്‍ നായിക്കിന്റെ പ്രസംഗത്തില്‍ പ്രചോദിതരായെന്ന വാര്‍ത്തയെ തുടര്‍ന്നാണ് ഇദ്ദേഹത്തിനെതിരേ അന്വേഷണം ഉണ്ടായത്. എന്നാല്‍ ആരോപണങ്ങള്‍ തെളിയിക്കുന്നതിനാവശ്യമായ തെളിവുകള്‍ കണ്ടെത്താന്‍ രഹസ്യാന്വേഷണ വിഭാഗത്തിന് കഴിഞ്ഞിരുന്നില്ല. അതിനാല്‍ സാക്കിര്‍ നായിക്കിനെതിരേ കേസെടുക്കാന്‍ കഴിയില്ലെന്ന് മഹാരാഷ്ട്ര ഇന്റലിജന്‍സ് കഴിഞ്ഞ ദിവസം റിപ്പോര്‍ട്ട് നല്‍കിയിരുന്നു.ആരോപണം സാക്കിര്‍ നായിക് നിഷേധിച്ചിരുന്നു.
എന്നാല്‍ ചില കേന്ദ്രങ്ങള്‍ ബോധപൂര്‍വം നായിക്കിനെതിരേ വാര്‍ത്തകള്‍ ചമയ്ക്കുകയായിരുന്നു. കിങ് ഫൈസല്‍ അവാര്‍ഡ് ഉള്‍പ്പെടെ ലോകത്തിന്റെ വിവിധ ഭാഗങ്ങളില്‍ ആദരിക്കപ്പെട്ട മത താരതമ്യപഠനത്തില്‍ അഗ്രേസരനുമാണ് മുംബൈ ആസ്ഥാനമായി പ്രവൃത്തിക്കുന്ന ഡോ. സാക്കിര്‍ നായിക്.