കാസര്‍കോട്: കാസര്‍കോട് പാര്‍ലമെന്റ് മണ്ഡലത്തില്‍ നിന്നും മത്സരിക്കുന്ന യു.ഡി.എഫ് സ്ഥാനാര്‍ത്ഥി രാജ്‌മോഹന്‍ ഉണ്ണിത്താന് വേണ്ടി ചുവരെഴുത്ത് നടത്തിയതിന് പിന്നാലെ മതില്‍ തകര്‍ത്തു. പിലിക്കോട് മല്ലക്കര കരപ്പാത്താണ് സംഭവം.

കോണ്‍ഗ്രസ് പ്രവര്‍ത്തകനായ പി.വി.ടി പ്രദീപന്റെ ചുറ്റുമതിലാണ് തകര്‍ത്തത്. വെള്ളിയാഴ്ച രാത്രിയാണ് ചുവരെഴുത്ത് നടത്തിയത്. പിന്നാലെ ഒരു സംഘം വന്ന് അന്ന് രാത്രി തന്നെ മതില്‍ തകര്‍ക്കുകയായിരുന്നുവെന്നാണ് പരാതി. സി.പി.എം പ്രവര്‍ത്തകരാണ് മതില്‍ തകര്‍ത്തതെന്ന് കോണ്‍ഗ്രസ് ആരോപിക്കുന്നു. ചന്തേര പൊലിസില്‍ പരാതി നല്‍കിയിട്ടുണ്ട്.