മലപ്പുറം: എം.എല്‍.എമാരായ സ്ഥാനാര്‍ഥികളുടെ തെരഞ്ഞെടുപ്പ് പ്രവര്‍ത്തനം ഹൈക്കോടതിയുടെ നിരീക്ഷണത്തില്‍ നടത്തണമെന്ന് പി.ഡി.പി സീനിയര്‍ വൈസ് ചെയര്‍മാനും പൊന്നാനിയിലെ സ്ഥാനാര്‍ഥിയുമായ പൂന്തുറ സിറാജ് വാര്‍ത്താസമ്മേളനത്തില്‍ പറഞ്ഞു.
ലോക്‌സഭാ തെരഞ്ഞെടുപ്പില്‍ ഇതിനകം അഞ്ചിടങ്ങളിലാണ് പി.ഡി.പി സ്ഥാനാര്‍ഥികളെ പ്രഖ്യാപിച്ചത്്. ഇടത്, വലതു മുന്നണികള്‍ മത്സരിക്കുന്ന പല മണ്ഡലങ്ങളിലും പി.ഡി.പിയുടെ സാന്നിധ്യം നിര്‍ണായകമായിരിക്കും. മത്സരിക്കാത്ത മണ്ഡലങ്ങളില്‍ ആരെ പിന്തുണയ്ക്കണമെന്ന കാര്യത്തില്‍ ഉടന്‍ തീരുമാനം ഉണ്ടാകുമെന്നും അദ്ദേഹം പറഞ്ഞു.