കാബൂള്‍: അഫ്ഗാനിലെ വിവിധയിടങ്ങളിലായി താലിബാന്‍ നടത്തിയ സ്‌ഫോടനങ്ങളില്‍ നിരവധി പേര്‍ കൊല്ലപ്പെട്ടതായി റിപ്പോര്‍ട്ട്. സുരക്ഷാ ചെക്‌പോസ്റ്റുകളില്‍ നടന്ന ആക്രമണങ്ങളില്‍ സൈനികരും സാധാരണക്കാരുമടക്കം മുപ്പതിലേറെ പേര്‍ കൊല്ലപ്പെട്ടതായാണ് കണക്ക്.
അന്താര്‍ ജില്ലയിലെ ഗസ്‌നി പ്രവിശ്യയില്‍ നടന്ന ആക്രമണങ്ങളില്‍ നാലു വിദ്യാര്‍ഥികള്‍ കൊല്ലപ്പെടുകയും 15 വിദ്യാര്‍ഥികള്‍ക്കും രണ്ട് അധ്യാപകര്‍ക്കും പരുക്കേല്‍ക്കുകയും ചെയ്തിട്ടുണ്ട്. വിവിധയിടങ്ങളില്‍ സുരക്ഷാ സൈന്യവുമായി ഏറ്റുമുട്ടലുകളും നടന്നിട്ടുണ്ട്. ഇന്നലെ ഗസ്‌നി പ്രവിശ്യയിലെ പൊലിസ് ചെക്‌പോസ്റ്റിലാണ് ആദ്യം വെടിവയ്പുണ്ടായത്. ഇവിടെ സുരക്ഷാ സൈന്യവുമായി ഏറ്റുമുട്ടലുണ്ടാകുകയായിരുന്നു. കൊല്ലപ്പെട്ട വിദ്യാര്‍ഥികളെല്ലാം പത്തിനും പതിനാറിനുമിടയില്‍ പ്രായമുള്ളവരാണ്.