കരുവാരകുണ്ട്: ഹാജിമാര്‍ക്ക് പഠനക്ലാസും സാങ്കേതിക പരിശീലനവും നല്‍കി. ഹജ്ജ് കമ്മിറ്റി സംഘടിപ്പിച്ച പരിപാടിയില്‍ സംസ്ഥാന സര്‍ക്കാരിന്റെ ഹജ്ജ്ഗ്രൂപ്പില്‍നിന്ന് ഹജ്ജിന് പോകുന്ന വണ്ടൂര്‍, നിലമ്പൂര്‍ നിയോജക മണ്ഡലങ്ങളിലുള്ളവര്‍ക്കാണ് പഠന ക്ലാസും സാങ്കേതിക പരിശീലനവും നല്‍കിയത്. കരുവാരകുണ്ട് ദാറുന്നജാത്ത് കെ.ടി മാനു മുസ്‌ലിയാര്‍ കണ്‍വന്‍ഷന്‍ സെന്ററിലാണ് ക്യാംപ് നടന്നത്. അഡ്വ. എം. ഉമ്മര്‍ എം.എല്‍.എ ഉദ്ഘാടനം ചെയ്തു. ജില്ലാ ട്രെയ്‌നര്‍ കണ്ണിയന്‍ മുഹമ്മദലി, ഡോ. മുഹ്‌സിന്‍ നിര്‍ദേശങ്ങള്‍ നല്‍കി. വി. അബ്ദുല്‍കരീം ബാഖവി, പഞ്ചായത്ത് വികസന സ്ഥിരസമിതി ചെയര്‍മാന്‍ പി. ഷൗക്കത്തലി, എന്‍.കെ അബ്ദുറഹ്മാന്‍, പി. മുഹമ്മദ് മാസ്റ്റര്‍, കെ. കബീര്‍, അഷ്‌റഫ് നിലമ്പൂര്‍, മാനുഹാജി, ഹകീം നിലമ്പൂര്‍, സ്വഫ്‌വാന്‍, ഫാറൂഖ് തുവ്വൂര്‍ സംബന്ധിച്ചു.