നിലമ്പൂര്‍: പൊലിസ് റെയ്ഡില്‍ മൂന്ന് ലോഡ് അനധികൃത മണല്‍ പിടിച്ചെടുത്തു. നിലമ്പൂര്‍ സി.ഐ കെ.എം ബിജുവിന്റെ നേതൃത്വത്തില്‍ നടത്തിയ റെയ്ഡിലാണ് ചാലിയാര്‍ പുഴയുടെ മമ്പാട് ടാണകടവില്‍ അനധികൃതമായി സൂക്ഷിച്ചിരുന്ന മണല്‍ പിടിച്ചെടുത്തത്.
രഹസ്യവിവരം ലഭിച്ചതിനെ തുടര്‍ന്നായിരുന്നു പരിശോധന. മൂന്ന് ലോഡ് മണല്‍ റവന്യൂ വകുപ്പിന്റെ കലവറയിലേക്ക് മാറ്റി. പത്ത് ലോഡ് മണല്‍ പുഴയില്‍ തിരികെ നിക്ഷേപിച്ചു.
റെയ്ഡില്‍ എസ്.ഐ ബിനു തോമസ്, എ.എസ്.ഐ രവി ഉള്‍പ്പെടെയുള്ളവരും പങ്കെടുത്തു. റവന്യൂ, പൊലിസ് വകുപ്പുകള്‍ പരിശോധന തുടരുമ്പോഴും ചാലിയാര്‍ പുഴയുടെ ടാണകടവില്‍ ഉള്‍പ്പെടെ മണല്‍ മാഫിയ സജീവമാണ്.