നെടുമ്പാശ്ശേരി: മദ്യപിച്ച് വിമാനത്തില്‍ ബഹളം വെച്ചയാളെ പൊലീസ് അറസ്റ്റ് ചെയ്തു. ചാലക്കുടി അണനല്ലൂര്‍ മറ്റത്തില്‍ വീട്ടില്‍ ഷിബു ഇട്ടിര (44) യാണ് നെടുമ്പാശേരി പൊലീസിന്റെ പിടിയിലായത്.
ബുധനാഴ്ച്ച രാത്രി പത്തരയോടെ നെടുമ്പാശേരി വിമാനത്താവളത്തിലാണ് സംഭവം. എയര്‍ ഇന്ത്യ എക്‌സ്പ്രസില്‍ നെടുമ്പാശേരിയിലെത്തിയ പ്രതി വിമാനത്തില്‍ നിന്നും ഇറങ്ങാതെ ബഹളം വെച്ചതിനെ തുടര്‍ന്ന് ജീവനക്കാര്‍ പൊലീസിനെ വിവരമറിയിക്കുകയായിരുന്നു.