പാറശാല: വീട്ടില്‍ അതിക്രമിച്ച് കയറിയ യുവാവ് യുവതിയെ പീഡിപ്പിക്കാന്‍ ശ്രമിച്ചതായി പരാതി. നെയ്യാറ്റിന്‍കര ഇരുമ്പില്‍ ചാണി കുഴി സ്വദേശിയായ അനു (27) വിനെതിരേയാണു യുവതി പരാതി നല്‍കിയത്. ഇന്നലെ വൈകിട്ട് പ്രതിയുടെ വീടിനു സമീപം വാടകയ്ക്കു താമസിക്കുന്ന യുവതിയുടെ വീട്ടില്‍ മറ്റാരുമില്ലെന്ന് കരുതി വീടിനകത്തേക്ക് അതിക്രമിച്ചു കയറി പീഡിപ്പിക്കാന്‍ ശ്രമിച്ചുവെന്നാണു പരാതി.
യുവതിയുടെ ശബ്ദം കേട്ട് സമീപത്തുണ്ടായിരുന്ന ഭര്‍ത്താവ് ഓടിയെത്തിയതിനെ തുടര്‍ന്ന് യുവാവ് ഓടിരക്ഷപ്പെടുകയായിരുന്നു. സംഭവത്തില്‍ പ്രതിയായ യുവാവ് സൈനികനാണ്. സംഭവശേഷം ഇന്നലെ തന്നെ ഇയാള്‍ ക്യാംപിലേക്ക് തിരികെ പോയതായി പൊലിസ് പറഞ്ഞു. മാരായമുട്ടം പൊലിസ് യുവാവിനെതിരേ കേസ്റ്റ് രജിസ്റ്റര്‍ ചെയ്ത് അന്വേഷണം ആരംഭിച്ചു.