ദോഹ: ഖത്തര്‍ മുനിസിപ്പാലിറ്റി പരിസ്ഥിതി മന്ത്രാലയം കഴിഞ്ഞ വര്‍ഷം ഒക്ടോബറില്‍ നടത്തിയ പരിസ്ഥിതി വന്യജീവി ഫോട്ടോഗ്രാഫി മത്സരത്തില്‍ മലയാളിക്ക് രണ്ടാം സ്ഥാനം. കണ്ണൂര്‍ സ്വദേശിയായ മുസഫര്‍ അലി പറമ്പത്ത് ആണ് അംഗീകാരം നേടിയത്. ഖത്തരിയായ മുഹമ്മദ് ഈസ അല്‍ കുവാരിക്കാണ് ഒന്നാം സ്ഥാനം.

[caption id="attachment_862866" align="aligncenter" width="630"] സമ്മാനാർഹമായ ഫോട്ടോ[/caption]

മൂങ്ങ തന്റെ കുഞ്ഞിന് എലിയെ തീറ്റയായി നല്‍കുന്ന ഫോട്ടോയാണ് മുസഫര്‍ അലിയെ രണ്ടാ സ്ഥാനത്തിന് അര്‍ഹനാക്കിയത്. ഖത്തറിലെ ഇര്‍കിയ ഫാമില്‍ നിന്നാണ് ചിത്രം പകര്‍ത്തിയത്. 10 വര്‍ഷമായി ഖത്തറിലെ ഉരീദുവില്‍ ജോലി ചെയ്യുകയാണ് പാനൂര്‍ കൈവേലിക്കല്‍ സ്വദേശിയായ മുസഫര്‍ അലി.