പേരാമ്പ്ര: ന്യൂ ജനറേഷനെ ഒന്നിനും കൊള്ളാത്തവരായി ചിത്രീകരിക്കുന്നവര്‍ അവരുടെ സേവന മനസ് കാണാതെ പോകരുതെന്ന് നാഷനല്‍ സര്‍വിസ് സ്‌കീം സ്റ്റേറ്റ് കോഡിനേറ്റര്‍ ഡോ. ജേക്കബ് ജോണ്‍. നാഷനല്‍ സര്‍വിസ് സ്‌കീം സില്‍വര്‍ ജൂബിലി ആഘോഷത്തിന്റെ ഭാഗമായി പേരാമ്പ്ര കോരങ്കണ്ടി മനോജിനും കുടുംബത്തിനും നൊച്ചാട് ഹയര്‍ സെക്കന്‍ഡറി സ്‌കൂള്‍ എന്‍.എസ്.എസ് നിര്‍മിച്ചു കൊടുത്ത 'സ്‌നേഹ സദനം' വീടിന്റെ താക്കോല്‍ കൈമാറി സംസാരിക്കുകയായിരുന്നു അദ്ദേഹം.
എ.പി.ജെ അബ്ദുല്‍ കലാമിന്റെ പുസ്തകം വില്‍പന നടത്തിയും ചായക്കട നടത്തിയും ഫണ്ട് കണ്ടെത്തിയ വിദ്യാര്‍ഥികള്‍ സന്നദ്ധ സേവനത്തിലൂടെ വീടുപണി പൂര്‍ത്തിയാക്കിയ മാതൃക പ്രത്യേക പ്രശംസ അര്‍ഹിക്കുന്നെന്നും അദ്ദേഹം കൂട്ടിച്ചേര്‍ത്തു.
പ്രധാനാധ്യാപകന്‍ സി. അബ്ദുറഹ്മാന്‍ അധ്യക്ഷനായി. മാനേജര്‍ എ.വി അബ്ദുന്നല്ല മുഖ്യാഥിതി ആയി. പി.എ.സി അംഗം പി. ശ്രീജിത്ത് റിപ്പോര്‍ട്ട് അവതരിപ്പിച്ചു.
എന്‍.എസ്.എസ് ജില്ലാ കോഡിനേറ്റര്‍ എസ്.ശ്രീചിത്ത്, ഗോപി മരുതോറ, കെ. ഇമ്പിച്ചിയാലി, വി.ടി ഇബ്രാഹിം കുട്ടി, വി.പി ഇബ്രാഹിം, എം.കെ ഫൈസല്‍, സി.കെ ചന്ദ്രന്‍, മുഹമ്മദ് പെരുവയില്‍, ബാബു കൈലാസ്, കെ. ശ്രീധരന്‍, ആര്‍.കെ മുഹമ്മദ്, കൊല്ലിയില്‍ ഇബ്രാഹിം, കെ.കെ ഹനീഫ, കെ.പി ഗുലാം മുഹമ്മദ്, കെ.കെ അബ്ദുല്‍ ഗഫൂര്‍, ഹജ്‌നാസ്, നിര്‍മ്മല, ആബേല്‍ ബേബി ജോസ്, നേഹ എസ്. ബാബു, അഭിനവ് എസ്.ആര്‍, അക്ഷയ് കുമാര്‍, നജ നാജിയ, പ്രോഗ്രാം ഓഫിസര്‍ പി.സി മുഹമ്മദ് സിറാജ്, അലന്റ സിദ്ധീഖ് സംസാരിച്ചു.