ഫറോക്ക് : നല്‍കിയ വാഗ്ദാനങ്ങള്‍ പാലിക്കാന്‍ കഴിയാതെ വന്നപ്പോള്‍ മോദി ജനങ്ങള്‍ക്കു മുമ്പില്‍ പൊട്ടാസുകള്‍ പൊട്ടിക്കുകയാണെന്ന് സി.പി.എം പോളിറ്റ്ബ്യൂറോ അംഗം എം.എ ബേബി. രാമനാട്ടുകരയില്‍ നടന്ന എല്‍.ഡി.എഫ് തെരഞ്ഞെടുപ്പ് പൊതുയോഗം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ഇത്തരമൊരു പൊടിക്കൈയാണ് നോട്ട്‌നിരോധനം. 87ലക്ഷം പേര്‍ക്കാണ് നോട്ട് നിരോധനത്തിലൂടെ തൊഴില്‍ നഷ്ടപ്പെട്ടത്. ജി.എസ്.ടി പോലുളള സാമ്പത്തിക മേഖല അസ്ഥിരപ്പെടുത്തുന്ന നടപടികളാണ് മോഡി ഗവണ്‍മെന്റ് ചെയ്തു കൊണ്ടിരുന്നതെന്നും അദ്ദേഹം പറഞ്ഞു. മജീദ് വെണ്‍മരത്ത് അധ്യക്ഷനായി. വി.കെ.സി മമ്മദ്‌കോയ.എം.എല്‍.എ, എം. ഗിരീഷ്, മുക്കം മുഹമ്മദ്, ബഷീര്‍ കുണ്ടായിത്തോട്, വാഴയില്‍ ബാലകൃഷ്ണന്‍ സംസാരിച്ചു.