കോഴിക്കോട്: മുസ്‌ലിം ലീഗ് ദേശീയ അധ്യക്ഷനായിരുന്ന ഇ.അഹമ്മദിന്റെ നാമധേയത്തില്‍ പഠന കേന്ദ്രം ആരംഭിക്കുന്നു. കേന്ദ്രത്തിന്റെ ഉദ്ഘാടനം കോഴിക്കോട് മലബാര്‍ പാലസില്‍ നടന്ന ചടങ്ങില്‍ പി.ടി.എ റഹീം എം.എല്‍.എ നിര്‍വഹിച്ചു.
ചടങ്ങിനോടനുബന്ധിച്ച് നടന്ന ഇ.അഹമ്മദ് അനുസ്മരണ സമ്മേളനം എം.പി അബ്ദുസ്സമദ് സമദാനി ഉദ്ഘാടനം ചെയ്തു. 'ഇ.അഹമ്മദ് സാഹിബ് ബഹുമുഖ പ്രതിഭയുടെ വിസ്മയം' പുസ്തകം സമദാനി വി.കെ.സി മമ്മദ് കോയ എം.എല്‍.എക്ക് ആദ്യ കോപ്പി നല്‍കി പ്രകാശനം ചെയ്തു. ആറ്റക്കോയ പള്ളിക്കണ്ടി അധ്യക്ഷനായി.
ഇന്‍ഡോ അറബ് കോണ്‍ഫെഡറേഷന്‍ കൗണ്‍സില്‍ പ്രസിഡന്റ് എം.വി കുഞ്ഞാമു, സുപ്രഭാതം മാനേജിങ് എഡിറ്റര്‍ നവാസ് പൂനൂര്‍, മലയാള മനോരമ അസിസ്റ്റന്റ് എഡിറ്റര്‍ കെ.എഫ് ജോര്‍ജ്, എന്‍.സി അബൂബക്കര്‍, അഡ്വ.പി.എന്‍ ശാന്തകുമാരി, പ്രൊഫ. വര്‍ഗീസ് മാത്യു, എന്‍.പി അബ്ദുല്‍ ഹമീദ്, സണ്ണി ജോസഫ്, അബ്ദുല്ലക്കോയ കണ്ണങ്കടവ്, എം.കെ മുഹമ്മദ് കബീര്‍, പി.ജബ്ബാര്‍ ഹാജി, ഇ.വി ഉസ്മാന്‍ കോയ സംസാരിച്ചു. കെ.പി അബ്ദുല്ലക്കോയ സ്വാഗതവും ഹമീദ് വടക്കയില്‍ നന്ദിയും പറഞ്ഞു.