കോഴിക്കോട്: മഴക്കാലചര്യ ആയുര്‍ എക്‌സ്‌പോ 16നു രാവിലെ ഒന്‍പതുമുതല്‍ വൈകിട്ട് അഞ്ചുവരെ കോഴിക്കോട് ടൗണ്‍ഹാളില്‍ നടക്കുമെന്നു സംഘാടകര്‍ വാര്‍ത്താ സമ്മേളനത്തില്‍ അറിയിച്ചു. ആയുര്‍വേദ മെഡിക്കല്‍ അസോസിയേഷന്‍ ഓഫ് ഇന്ത്യ, ഭാരതീയ ചികിത്സാ വകുപ്പ്, കെ.എം.സി.ടി ആയുര്‍വേദ കോളജ് മണാശ്ശേരി, കേരള ആയുര്‍വേദ സൊസൈറ്റി മീഞ്ചന്ത, റിലയന്‍സ് ഫൗണ്ടേഷന്‍ എന്നിവയുടെ സംയുക്താഭിമുഖ്യത്തിലാണ് എക്‌സ്‌പോ സംഘടിപ്പിക്കുന്നത്. രാവിലെ എം.കെ രാഘവന്‍ എം.പി ഉദ്ഘാടനം ചെയ്യും. സമാപന സമ്മേളനം മേയര്‍ തോട്ടത്തില്‍ രവീന്ദ്രനും ഉദ്ഘാടനം ചെയ്യും. വാര്‍ത്താ സമ്മേളനത്തില്‍ ഭാരതീയ ചികിത്സാ വകുപ്പ് ഡി.എം.ഒ ഡോ. എസ്. ജയശ്രീ, ഡോ. ബി.ജി അഭിലാഷ്, ഡോ. കെ.എം ഗോകുലന്‍, ഡോ. സുധീര്‍, ഡോ. കെ. വിപിന്‍ദാസ്, ഡോ. പി.കെ അഭിജിത്ത് പങ്കെടുത്തു.