കണ്ണൂര്‍: മൊറാഴ സ്വദേശിനിയായ ഇഷാന ഇബ്രാഹിമിന്റെ ദി പാലറ്റ് ഓഫ് ബിങ് എന്ന പേരുള്ള ചിത്രപ്രദര്‍ശനം ഇന്നു മുതല്‍ ട്രെയിനിങ് സ്‌കൂളിലെ മോഹന്‍ ചാലാട് ആര്‍ട്ട് ഗ്യാലറിയില്‍ നടക്കും. വൈകുന്നേരം നാലിന് ജില്ലാ കലക്ടര്‍ മിര്‍ മുഹമ്മദലി ഉദ്ഘാടനം ചെയ്യുമെന്ന് ഇഷാന ഇബ്രാഹിം വാര്‍ത്താസമ്മേളനത്തില്‍ പറഞ്ഞു. ചിത്ര വില്‍പനയിലൂടെ ലഭിക്കുന്ന ലാഭ വിഹിതം ജനമൈത്രി പൊലിസിന്റെ ഭാഗമായ പെയിന്‍ ആന്‍ഡ് പാലിയേറ്റിവ് കെയര്‍ സൊസൈറ്റി, മൊറാഴ പറശിനിക്കടവ് യൂനിറ്റിന് സംഭാവനയായി നല്‍കും. ബംഗളൂരുവില്‍ സോഫ്റ്റ്‌വെയര്‍ എന്‍ജിനിയറാണ് ഇഷാന. പ്രദര്‍ശനം പത്തിന് സമാപിക്കും. വാര്‍ത്താസമ്മേളനത്തില്‍ സഹോദരന്‍ എ.പി ഇഷാന്‍ പങ്കെടുത്തു.