കോഴിക്കോട്: ഇന്ന് പള്ളികളില്‍ ഖത്വീബുമാര്‍ എസ്.എം.എഫ് നാഷനല്‍ ഡെലിഗേറ്റ്‌സ് മീറ്റിന്റെ സന്ദേശ പ്രഭാഷണം നടത്തണമെന്ന് സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍, സെക്രട്ടറി കെ. ആലിക്കുട്ടി മുസ്്‌ലിയാര്‍ എന്നിവര്‍ ആവശ്യപ്പെട്ടു. സമൂഹത്തില്‍ ഐക്യവും കെട്ടുറപ്പും നിലനിര്‍ത്തുന്നതില്‍ മഹല്ലുകള്‍ക്ക് വലിയ ദൗത്യമാണ് നിര്‍വഹിക്കാനുള്ളത്. മഹല്ലുകളിലെ സാമൂഹിക പ്രവര്‍ത്തനങ്ങളെ ശക്തിപ്പെടുത്തുന്നതാണ് എസ്.എം.എഫ് ദേശീയ പ്രതിനിധി സംഗമമെന്നും ഓരോ മഹല്ലില്‍ നിന്ന് ഭാരവാഹികളും ഖത്വീബുമടങ്ങുന്ന അഞ്ച് പ്രതിനിധികള്‍ സംഗമത്തില്‍ പങ്കെടുക്കണമന്നും അവര്‍ അറിയിച്ചു.