പേരാവൂര്‍: പേരാവൂര്‍ ടൗണില്‍ നിന്നും വാങ്ങിയ മത്സ്യം കഴിച്ച് ചൊറിച്ചില്‍ അനുഭവപ്പെട്ടതായി പരാതി. കല്ലുമുതിരക്കുന്ന് സ്വദേശി ഇലഞ്ഞിമണ്ണില്‍ ജോസൂട്ടിയാണ് ഇത് സംബന്ധിച്ച് പരാതിയുമായി രംഗത്തെത്തിയിരിക്കുന്നത്.
ബുധനാഴ്ച വൈകുന്നേരം പേരാവൂര്‍ മുസ് ലീംപള്ളിക്ക് എതിര്‍വശത്തുള്ള മത്സ്യക്കടയില്‍ നിന്നുമാണ് ജോസൂട്ടി കേതല്‍ ഇനത്തില്‍പ്പെട്ട മത്സ്യം വാങ്ങിയത്. വീട്ടിലെത്തി മത്സ്യം കറിവച്ചതിന് ശേഷം കഴിക്കുന്നതിനിടയിലാണ് വായില്‍ ചൊറിച്ചില്‍ അനുഭവപ്പെട്ടത്. കഴിച്ച എല്ലാവര്‍ക്കും തന്നെ ഇത്തരത്തില്‍ ചൊറിച്ചല്‍ അനുഭവപ്പെട്ടു.
ഇതിന്റെ അടിസ്ഥാനത്തില്‍ പേരാവൂര്‍ പഞ്ചയാത്തിലും ആരോഗ്യവകുപ്പിലും ജോസൂട്ടി പരാതി നല്‍കി. പാകം ചെയ്ത മത്സ്യം ആരോഗ്യവകുപ്പ് പരിശോധനക്കായി ശേഖരിച്ചിട്ടുണ്ട്.