കോതമംഗലം: ഇഞ്ചൂര്‍ പള്ളിക്കകാവ് ഭാഗത്ത് അനധികൃത മണ്ണു ഖനനം നടത്തിയ മണ്ണുമാന്തി യന്ത്രവും ലോറിയും പൊലിസ് പിടികൂടി. നെല്ലിക്കുഴി സ്വദേശിയുടെ പുരയിടത്തില്‍ നിന്നാണ് മണ്ണ് എടുത്ത് പോയിരുന്നത്.സി.ഐ ടി.ഡി സുനില്‍കുമാറിന് ലഭിച്ച രഹസ്യവിവരത്തെ തുടര്‍ന്നാണ് വാഹനങ്ങള്‍ പിടികൂടിയത്. ഡ്രൈവര്‍മാരെയും കസ്റ്റഡില്‍ എടുത്തു.എസ്.ഐ രഞ്ജന്‍ കുമാര്‍. എസ്.സി.പി.ഒമാരായ ആസാദ്, നിജുഭാസ്‌കര്‍ എന്നിവര്‍ ചേര്‍ന്നാണ് വാഹനങ്ങള്‍ കസ്റ്റഡിയില്‍ എടുത്തത്. വാഹനങ്ങള്‍ ജിയോളജി വകുപ്പിന് കൈമാറി.