കൂത്തുപറമ്പ്: ഒറ്റനമ്പര്‍ ചൂതാട്ടം നടത്തിയതിന് കൂത്തുപറമ്പില്‍ ഒരാള്‍ പിടിയില്‍. തലശേരി ടെംബിള്‍ ഗേറ്റ് കൊമ്മല്‍വയലിലെ കെ. സജിത്തി(43)നെയാണ് കൂത്തുപറമ്പ് എസ്.ഐ കെ.വി നിഷിത്ത് അറസ്റ്റു ചെയ്തത്. രഹസ്യവിവരത്തിന്റെ അടിസ്ഥാനത്തില്‍ കൂത്തുപറമ്പ് പൊലിസും തലശേരി എ.എസ്പിയുടെ സ്‌പെഷല്‍ സ്‌ക്വാഡും സംയുക്തമായി നടത്തിയ പരിശോധനയിലാണ് കൂത്തുപറമ്പ് സ്റ്റേഡിയം പരിസരത്ത് വച്ച് സജിത്ത് പിടിയിലായത്. ഇയാളില്‍നിന്ന് 80,000 രൂപയും കണ്ടെടുത്തു. പ്രതിയെ കോടതി റിമാന്‍ഡ് ചെയ്തു.