കല്‍പ്പറ്റ: കേന്ദ്രമാനവ വിഭവശേഷി മന്ത്രാലയത്തിനു കീഴില്‍ നടത്തപ്പെടുന്ന സൗജന്യ സിവില്‍ സര്‍വിസ് പരിശീലന കോഴ്‌സിലേക്ക് വയനാട്ടില്‍ നിന്നും രണ്ടു വാഫികള്‍ക്ക് അവസരം ലഭിച്ചു. റാശിദ് വാഫി പൂരിഞ്ഞി, നിസാമുദ്ദീന്‍ വാഫി ഒളവട്ടൂര്‍ എന്നിവര്‍ക്കാണ് അവസരം ലഭിച്ചത്. കേരളത്തില്‍ ആദ്യമായാണ് സെന്റര്‍ ആരംഭിക്കുന്നത്.
രണ്ടു വര്‍ഷത്തെ കോഴ്‌സ് തിരുവനന്തപുരത്താണ് നടക്കുന്നത്. വെങ്ങപ്പള്ളി ശംസുല്‍ ഉലമാ ഇസ്‌ലാമിക് അക്കാദമി 6-ാം ബാച്ച് വിദ്യാര്‍ഥികളായി പഠനം പൂര്‍ത്തിയാക്കിവരാണ് അവസരം ലഭിച്ച രണ്ടു വാഫികളും. വയനാട്ടില്‍ നിന്നും കോഴ്‌സിലേക്ക് തിരഞ്ഞെടുക്കപ്പെട്ട ഏകപ്രതിനിധിയാണ് റാശിദ്. മലപ്പുറത്തു നിന്നും തിരഞ്ഞെടുക്കപ്പെട്ട മൂന്നു പേരില്‍ ഒരാളാണ് നിസാമുദ്ദീന്‍.