ജിദ്ദ: കേരളത്തിലേക്ക് വരുന്ന പ്രവാസികൾക്ക് കൊവിഡ് ടെസ്റ്റ് നിർബന്ധമാക്കിയ കേരള സർക്കാർ നടപടി അടിയന്തിരമായി റദ്ദ് ചെയ്യണമെന്ന് സഊദി കെഎംസിസി മാറാക്കര പഞ്ചായത്ത് കമ്മിറ്റി ആവശ്യപ്പെട്ടു. ഇത് പ്രവാസി  വിരുദ്ധമാണെന്നും സഊദി ഉൾപ്പെടെ പല രാജ്യങ്ങളിലും കൊവിഡ്  ടെസ്റ്റ്  അപ്രായോഗികമാണെന്നും യോഗം ചൂണ്ടിക്കാട്ടി. പ്രവാസികൾ ജന്മ നാട്ടിലേക്ക് തിരിച്ചു വരുന്നത് തടയുകയാണ് ഇതിന്റെ പിന്നിലെ ലക്ഷ്യമെന്നും  ഇത്തരം പ്രവാസി വിരുദ്ധ നിലപാടുകൾ കേന്ദ്ര - സംസ്ഥാന സർക്കാരുകൾ തിരുത്തണമെന്നും യോഗം ആവശ്യപ്പെട്ടു. ഇതിനെതിരെ മുഖ്യമന്ത്രിക്ക് സംഘം പ്രതിഷേധ ഇമെയിൽ അയക്കും.