കോളിയടുക്കം: കുവൈത്ത് പ്രവാസി അസോസിയേഷന്‍ കാസര്‍കോട് ജില്ലാ കമ്മിറ്റിയുടെ വാര്‍ഷികാഘോഷത്തിന്റെ ഭാഗമായി കാഞ്ഞങ്ങാട് ടൗണ്‍ ഹാളില്‍ സംഘടിപ്പിച്ച എ.പി.ജെ അബ്ദുല്‍ കലാം മെമ്മോറിയല്‍ ജില്ലാ തല ക്വിസ് മത്സരത്തില്‍ അപ്‌സര പബ്ലിക് സ്‌കൂള്‍ ഒന്നാം സ്ഥാനം കരസ്ഥമാക്കി.
ജില്ലയിലെ പത്തു സ്‌കൂളുകളെ പങ്കെടുപ്പിച്ചു കൊണ്ട് നടത്തിയ മത്സരത്തില്‍ സ്‌കൂളിനെ പ്രതിനിധീകരിച്ചു പത്താം ക്ലാസ് വിദ്യാര്‍ഥിയെ അഹമ്മദ് ജസീല്‍ , മുഷ്താഖ് ജാസിം എന്നിവരാണ് മത്സരിച്ചത്.
വിജയികള്‍ക് ട്രോഫിയും 5000 രൂപ കാഷ് അവാര്‍ഡും ലഭിച്ചു.
വിജയികളെ പ്രിന്‍സിപ്പല്‍ ഡോ.അന്‍വറലി, പി.ടി.എ പ്രസിഡന്റ് എം.എ ഹാരിസ്, സ്‌കൂള്‍ അഡ്മിനിസ്‌ട്രേറ്റര്‍ അഡ്വ. വി.പി.എ സിദ്ദീഖ് എന്നിവരും അധ്യാപകരും സ്‌കൂള്‍ അസംബ്ലിയില്‍ അഭിനന്ദിച്ചു.