പൈവളിഗെ: പൈവളിഗെ അട്ടഗോളി എ.എല്‍.പി സ്‌കൂളിലെ ഒന്നാം ക്ലാസ് വിദ്യാര്‍ഥിയെ അധ്യാപിക ക്രൂരമായി മര്‍ദിച്ചതായി പരാതി. പരുക്കേറ്റ വിദ്യാര്‍ഥിയെ ബന്തിയോടിലെ സ്വകാര്യാശുപത്രിയില്‍ പ്രവേശിപ്പിച്ചു. വൈകുന്നേരം സ്‌കൂള്‍ വിട്ട് വീട്ടിലെത്തിയ കുട്ടി കരയുന്നത് കണ്ട രക്ഷിതാക്കള്‍ വിവരം ചോദിച്ചപ്പോഴാണ് കുട്ടി മര്‍ദനം വിവരം പറയുന്നത്. ദേഹമാസകലം അടിയുടെ പാടുകളുണ്ട്. പൈവളിഗെ ബായിക്കട്ട വാടക ക്വാര്‍ട്ടേഴ്‌സില്‍ താമസിക്കുന്ന സിദ്ധീഖ് -മൈമൂന ദമ്പതികളുടെ മകന്‍ മൊയ്തീന്‍ സദാത്തി(അഞ്ച്)നാണ് മര്‍ദനമേറ്റത്. സംഭവത്തില്‍ വ്യാപക പ്രതിഷേധം ഉയര്‍ന്നിരിക്കുകയാണ്.