ഓമശ്ശേരി: നിയമസഭയിലെ പ്രസംഗത്തിനിടെ സയ്യിദ് ഹൈദരലി ശിഹാബ് തങ്ങള്‍ക്കെതിരേ പി.ടി.എ റഹീം എം.എല്‍.എ നടത്തിയ പരാമര്‍ശം അപലപനീയമാണെന്ന് കൊടുവള്ളി മണ്ഡലം എസ്.വൈ.എസ് പ്രസിഡന്റ് എ.പി.എം ബാവ ജീറാനിയും ജന.സെക്രട്ടറി കെ.പി.സി ഇബ്രാഹീമും സംയുക്ത പ്രസ്താവനയില്‍ പറഞ്ഞു.
സയ്യിദ് ഹൈദരലി ശിഹാബ് തങ്ങള്‍ കേരള സമൂഹത്തിനു മതപരമായും രാഷ്ട്രീയമായും നേതൃത്വം നല്‍കുന്ന സമുന്നത വ്യക്തിത്വമാണ്. നിയമസഭാ തെരഞ്ഞെടുപ്പില്‍ കാന്തപുരം വിഭാഗത്തിനേറ്റ തിരിച്ചടി മറച്ചുവയ്ക്കാന്‍ ഹൈദരലി തങ്ങള്‍ക്കെതിരേ പരാമര്‍ശം നടത്തിയത് തീര്‍ത്തും പ്രതിഷേധാര്‍ഹമാണെന്നും അവര്‍ പറഞ്ഞു.