നീലേശ്വരം: പി. കരുണാകരന്‍ എം.പിയുടെ കാര്‍ അപകടത്തില്‍പ്പെട്ടു. ഇന്നലെ വൈകുന്നേരം അഞ്ചോടെ ചയ്യോത്തു വച്ചാണ് അപകടം. എം.പിയുടെ മകള്‍ ദിയ മര്‍സദ് ആണ് കാര്‍ ഓടിച്ചിരുന്നത്.
കാര്‍ ടിപ്പര്‍ലോറിയുടെ പിറകിലിടിക്കുകയായിരുന്നു. അപകടത്തില്‍ കാറിന്റെ മുന്‍ഭാഗം തകര്‍ന്നിട്ടുണ്ട്. ഹമ്പ് കഴിഞ്ഞയുടന്‍ പെട്ടെന്ന് ടിപ്പര്‍ലോറി ബ്രേക്കിട്ടതോടെ ദിയ ഓടിച്ചിരുന്ന കാര്‍ ലോറിയുടെ പിറകിലിടിക്കുകയായിരുന്നു. രണ്ടു വാഹനങ്ങളും നീലേശ്വരം പൊലിസ് സ്റ്റേഷനിലേക്കു മാറ്റി.