തൃശൂര്‍: കേരള ആം റസ്‌ലിങ് അസോസിയേഷന്‍ സംഘടിപ്പിക്കുന്ന സംസ്ഥാന പഞ്ചഗുസ്തി ചാംപ്യന്‍ഷിപ്പ് ഈ മാസം 23ന് തൃശൂരില്‍ നടക്കും. തേക്കിന്‍കാട് മൈതാനിയിലെ തെക്കേഗോപുര നടയിലാണ് മത്സരങ്ങള്‍ നടക്കുക. ചാംപ്യന്‍ഷിപ്പിന്റെ ഉദ്ഘാടനം രാവിലെ 11.30ന് ഡി.സി.സി പ്രസിഡന്റ് ടി.എന്‍ പ്രതാപന്‍, സി.പി.എം ജില്ലാ സെക്രട്ടറി കെ രാധാകൃഷ്ണന്‍, ബി.ജെ.പി വൈസ് പ്രസിഡന്റ് സുരേന്ദ്രന്‍ ഐനിക്കുന്നത്ത് എന്നിവര്‍ ചേര്‍ന്ന് നിര്‍വഹിക്കും. മേയര്‍ അജിത ജയരാജന്‍ അധ്യക്ഷത വഹിക്കും.
വൈകിട്ട് ഏഴിന് ജില്ലാ പഞ്ചായത്ത് പ്രസിഡന്റ് ഷീലാ വിജയകുമാറിന്റെ അധ്യക്ഷതയില്‍ ചേരുന്ന ചടങ്ങില്‍ മന്ത്രി വി.എസ് സുനില്‍കുമാര്‍ സമ്മാനദാനം നിര്‍വഹിക്കും. വാര്‍ത്താസമ്മേളനത്തില്‍ മനോജ് പൊറ്റേക്കാട്, എ.യു. ഷാജു, പി.എ. അബ്ദുല്‍ അസീസ്, ഷെറിന്‍ തോമസ് പങ്കെടുത്തു.