ന്യൂഡല്‍ഹി: മുന്‍ ഇന്ത്യന്‍ നായകന്‍ മഹേന്ദ്ര സിങ് ധോണിയുടെ മഹാ വിഷ്ണുവിന്റെ വേഷത്തിലുള്ള ചിത്രത്തിനെതിരേ നല്‍കിയ ക്രിമിനല്‍ പരാതി സുപ്രിം കോടതി തള്ളി. ഒരു മാസികയാണ് പരസ്യത്തിന്റെ ഭാഗമായി ചിത്രം പ്രസിദ്ധീകരിച്ചത്. ആന്ധ്രാപ്രദേശ് സ്വദേശിയാണ് ഇതിനെതിരേ പരാതി നല്‍കിയത്. ജസ്റ്റിസ് ദീപക് മിശ്ര അധ്യക്ഷനായ ബഞ്ചാണ് പരാതി തള്ളിയത്. ഹിന്ദുമത വികാരം വ്രണപ്പെടുത്തിയതായി പരാതിക്കാരന്‍ ചൂണ്ടിക്കാണിച്ചെങ്കിലും അത് നിലനില്‍ക്കുന്നതല്ലെന്ന് കോടതി നിരീക്ഷിച്ചു.
ഈ ചിത്രത്തിനെതിരേ നേരത്തെ സമര്‍പ്പിച്ച പരാതിയും മേല്‍ക്കോടതി തള്ളിയിരുന്നു.