ചവറ: സമ്പൂര്‍ണ സാക്ഷരതാ പ്രഖ്യാപനത്തിന്റെ 26ാം വാര്‍ഷികാചരണത്തിന്റെ ഭാഗമായി പന്മന ഗ്രാമപഞ്ചായത്ത് സാക്ഷരതാ മിഷന്റെ നേതൃത്വത്തില്‍ അക്ഷര ദീപം തെളിയിക്കലും അക്ഷര സായന്തനവും നടന്നു. പന്മന ഗ്രാമപഞ്ചായത്തില്‍ സംഘടിപിച്ച പരിപാടി പഞ്ചായത്ത് പ്രസിഡന്റ് എസ് ശാലിനി ഉദ്ഘാടനം ചെയ്തു. ജനപ്രതിനിധികള്‍, സാക്ഷരതാ പ്രവര്‍ത്തകര്‍, മുന്‍കാല സാക്ഷരതാ പ്രവര്‍ത്തകര്‍, പഠിതാക്കല്‍ തുടങ്ങിയവര്‍ പങ്കെടുത്തു.
അഞ്ചല്‍: ഇടമുളയ്ക്കല്‍ ഗ്രാമപഞ്ചായത്ത് സാക്ഷരതാ മിഷന്റേയും മലമേല്‍ കോസ്‌മോസ് ആര്‍ട്‌സ് ആന്റ് സ്‌പോര്‍ട്‌സ് ക്ലബിന്റേയും ആഭിമുഖ്യത്തില്‍ അക്ഷരസായന്തനം നടത്തി. ക്ലബ് ഹാളില്‍ സംഘടിപ്പിച്ച പരിപാടി അഞ്ചല്‍ ബ്ലോക്ക് പഞ്ചായത്തംഗം കെ ഷിബു ഉദ്ഘാടനം ചെയ്തു. ഗ്രാമ പഞ്ചായത്തംഗം ജി അശോക് കുമാര്‍ അധ്യക്ഷത വഹിച്ചു. ഗ്രാമ പഞ്ചായത്ത് സാക്ഷരതാ മിഷന്‍ കണ്‍വീനര്‍ എന്‍കെ ബാലചന്ദ്രന്‍, പി അനില്‍കുമാര്‍, ക്ലബ് പ്രസിഡന്റ് വി സുരേഷ് കുമാര്‍, ക്ലബ് സെക്രട്ടറി ടി.ശ്രീകാന്ത് എന്നിവര്‍ പ്രസംഗിച്ചു.