പെരുമ്പാവൂര്‍: മുടിക്കല്‍ മുസ്‌ലിം ജമാഅത്തിന്റെ ആഭിമുഖ്യത്തില്‍ ഷറഫിയ ഇംഗ്ലീഷ് മീഡിയം സ്‌കൂള്‍ കാംപസില്‍ സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡിന്റെ അഫിലിയേഷനോടു കൂടി ആരംഭിച്ച അല്‍ ബിര്‍റ് ഇസ്‌ലാമിക് പ്രീ സ്‌കൂളിന്റെ ഉദ്ഘാടനം സമസ്ത കേരള ജംഇയ്യത്തുല്‍ ഉലമ പ്രസിഡന്റ് മുഹമ്മദ് ജിഫ്രി മുത്തുകോയ തങ്ങള്‍ നിര്‍വഹിച്ചു.
മാടവന അബൂബക്കര്‍ മുസ്‌ലിയാര്‍ അന്ത്യവിശ്രമം കൊള്ളുന്ന ഈ മണ്ണ് ഇതിനായി തിരഞ്ഞെടുത്തത് മുടിക്കല്ലിന്റെ വിശുദ്ധിയാണന്നും ഈ മണ്ണില്‍ ആരംഭിച്ച സ്‌കൂള്‍ കുട്ടികളെ നേരായ വഴിയിലും ഇസ്‌ലാമികമായ ചട്ടക്കൂട്ടിലും വളരാന്‍ സഹായകമാവുമെന്നും ഇത് വഴി കുട്ടികള്‍ ബിദ്അത്ത് പ്രസ്ഥാനങ്ങളിലേക്ക് പോകുന്നത് തടയാന്‍ ഒരുപരിധിവരെ സാധിക്കുമെന്നും അദ്ദേഹം പറഞ്ഞു.
ചടങ്ങില്‍ ജമാഅത് പ്രസിഡന്റ് ഹാജി എം.കെ ഹംസ, ജമാഅത് ചീഫ് ഇമാം സി.എ മൂസ മൗലവി, മുഹമ്മദ് ഫൈസി ഓണമ്പിള്ളി, സമസ്ത കേന്ദ്ര മുശാവറ അംഗം ഇ.എസ് ഹസന്‍ ഫൈസി, ട്രഷറര്‍ മുടിക്കല്‍ മുസ്‌ലിം ജമാഅത് ഹാജി എം.എ ഇസ്മയില്‍, ഷറഫിയ അല്‍ബിര്‍റ് ഇസ്‌ലാമിക് പ്രീ സ്‌കൂള്‍ കണ്‍വീനര്‍ ടി.എം.അബ്ദുള്‍ നാസര്‍, ഷറഫിയ അല്‍ബിര്‍റ് ഇസ്‌ലാമിക് പ്രീ സ്‌കൂള്‍ പ്രിന്‍സിപ്പല്‍ ഷിബി കെ. മക്കാര്‍ , ജമാ അത് ജനറല്‍ സെക്രട്ടറി ടി.ബി ഹസൈനാര്‍, മുസ്ലിം ജമാഅത് വൈസ് പ്രസിഡന്റ് എം.എ മുഹമ്മദ് കുഞ്ഞാമി എന്നിവര്‍ സന്നിഹിതരായിരുന്നു.