ബൊഗോട്ട: കൊളംബിയയില്‍ കനത്ത മണ്ണിടിച്ചിലില്‍ മൂന്ന് കുട്ടികളടക്കം 14 പേര്‍ മരിച്ചു. 20ലേറെ പേരെ കാണാതായിട്ടുണ്ട്.
കഴിഞ്ഞ ദിവസം പടിഞ്ഞാറന്‍ കൊളംബിയയിലെ മനിസാലസിലാണ് പ്രകൃതിദുരന്തമുണ്ടായത്. ബുധനാഴ്ച രാത്രിയുണ്ടായ കനത്ത മഴയെ തുടര്‍ന്നു മേഖലയില്‍ വ്യാപക മണ്ണിടിച്ചിലുണ്ടാകുകയായിരുന്നു. 50ലേറെ വീടുകളും നിരവധി കെട്ടിടങ്ങളും പൂര്‍ണമായും മണ്ണിനടിയില്‍പെട്ടിട്ടുണ്ട്. കാല്‍ഡാസ് പ്രവിശ്യയുടെ തലസ്ഥാനമായ മനിസാലസിന്റെ തെരുവുകള്‍ നിറയെ ചെളിയും കെട്ടിടാവശിഷ്ടങ്ങളും കൊണ്ട് നിറഞ്ഞിരിക്കുകയാണ്.