കണിച്ചാര്‍: മടപ്പുരച്ചാലില്‍ കാട്ടാനശല്യം രൂക്ഷം. കഴിഞ്ഞ ഒരാഴ്ചയോളമായി ബാവലിപ്പുഴയോരത്തു തമ്പടിച്ച കാട്ടാനക്കൂട്ടം നിരവധി കര്‍ഷകരുടെ കാര്‍ഷിക വിളകള്‍ നശിപ്പിച്ചു. കാട്ടാനയുടെ ആക്രമണത്തില്‍ മടപ്പുരച്ചാല്‍ സ്വദേശികളായ കുഞ്ഞാമന്‍, മിനി, റീന, ജിബിന്‍ എന്നിവരുടെ തെങ്ങ്, വാഴ, കൈതച്ചക്ക തുടങ്ങിയ വിളകളാണ് നശിച്ചത്. കൂടാതെ ജിബിന്‍ പറമ്പില്‍ സൂക്ഷിച്ചിരുന്ന വളവും കാട്ടാനകൂട്ടം പൂര്‍ണമായും നശിപ്പിച്ചു. കാട്ടാന ഭീതിയാല്‍ പ്രദേശത്തെ ടാപ്പിങ് തൊഴിലാളികളും ഭീഷണിയിലാണ്. നേരം ഇരുട്ടിയാല്‍ പുറത്തിറങ്ങാന്‍ കഴിയാത്ത അവസ്ഥയാണ് പ്രദേശത്തുള്ളവര്‍ക്ക്.