മാന്നാര്‍ : കുരട്ടിശ്ശേരി കോയിക്കല്‍ കൊട്ടാരത്തിന് സമീപം പ്രവര്‍ത്തിച്ച് വരുന്ന പഴക്കാത്താല്‍ ഇടി ഞ്ഞു വീഴാറായ അങ്കണവാടി കെട്ടിടം ഡി.വൈ.എഫ്.ഐ, എസ്.എഫ്.ഐ പ്രവര്‍ത്തകര്‍ ചേര്‍ന്ന് നന്നാക്കി.
കഴിഞ്ഞ 17 വര്‍ഷമായി വാടകയ്ക്ക് പ്രവര്‍ത്തിക്കുന്ന 168-ാം നമ്പര്‍ അങ്കണവാടിയുടെ മേല്‍ക്കൂര തകര്‍ന്ന് ഏതു നിമിഷവും നിലംപൊത്താവുന്ന നിലയിലായിരുന്നു. മഴയത്ത് ചോര്‍ച്ച ഒഴിവാക്കാനായി മുകളില്‍ ടാര്‍പ്പാളിന്‍ വലിച്ചു കെട്ടുമായിരുന്നു.
അങ്കണവാടിയുടെ ശോച്യാവസ്ഥ അറിഞ്ഞ സി.പി.എം മാന്നാര്‍ ടൗണ്‍ ബ്രാഞ്ച് ബി കമ്മിറ്റി, മറ്റ് പ്രവര്‍ത്തകരും നാട്ടുകാരും ചേര്‍ന്നാണ് അങ്കണവാടി നന്നാക്കിയത്. ബ്രാഞ്ച് സെക്രട്ടറി മജീദ്, ശിവപ്രസാദ്, സുല്‍ഫി, അജ്മല്‍, അന്‍സില്‍, ശബരിനാഥ് എന്നിവര്‍ നേത്യത്വം നല്‍കി.