കാരക്കാസ്: വെനസ്വലയില്‍ സര്‍ക്കാര്‍ വിരുദ്ധ പ്രക്ഷോഭത്തില്‍ മൂന്നുപേര്‍ കൊല്ലപ്പെട്ടു. വ്യത്യസ്ത ഇടങ്ങളില്‍ നടന്ന പ്രക്ഷോഭങ്ങളിലാണിത്. തലസ്ഥാന നഗരമായ കാരക്കാസിലും സാന്‍ ക്രിസ്റ്റോബാലിലുമുണ്ടായ പ്രക്ഷോഭത്തില്‍ ഒരു യുവാവും സ്ത്രീയും കൊല്ലപ്പെട്ടു. ദക്ഷിണ കാരക്കാസില്‍ നടന്ന അക്രമത്തില്‍ സുരക്ഷാ ഉദ്യോഗസ്ഥനാണ് കൊല്ലപ്പെട്ടത്.
അതേസമയം, പ്രതിപക്ഷം പൊലിസിനെതിരേ അക്രമമഴിച്ചു വിടുകയാണെന്ന് പ്രസിഡന്റ് നിക്കോളാസ് മദുറോ ആരോപിച്ചു. മദുറോയുടെ ഭരണത്തിനെതിരേ നിരവധി പേരാണ് രാജ്യത്തിന്റെ പല ഭാഗങ്ങളിലായി സംഘടിച്ചത്. തെരഞ്ഞെടുപ്പ് നടത്തണമെന്നും പ്രതിപക്ഷ നേതാക്കളെ ജയില്‍ മോചിതരാക്കണമെന്നുമാണ് പ്രക്ഷോഭകരുടെ ആവശ്യം.