ധാംപുര്‍: കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി വയനാട്ടില്‍ മത്സരിക്കുന്നതിനെ പരിഹസിച്ച് ബി.ജെ.പി അധ്യക്ഷന്‍ അമിത് ഷാ. രാഹുല്‍ ഗാന്ധി കേരളത്തിലേക്ക് ഒളിച്ചോടിയെന്ന് അമിത് ഷാ പറഞ്ഞു. അമേത്തിയില്‍ തോല്‍ക്കുമെന്ന് ഉറപ്പുള്ളതിനാലാണ് രാഹുല്‍ ഗാന്ധി കേരളത്തില്‍ മത്സരിക്കുന്നതെന്ന് അമിത് ഷാ പറഞ്ഞു. ഉത്തര്‍പ്രദേശിലെ ധാംപുരില്‍ തെരഞ്ഞെടുപ്പ് റാലിയില്‍ സംസാരിക്കുകയായിരുന്നു അദ്ദേഹം.

ഹിന്ദു മതത്തോട് രാഹുല്‍ ഗാന്ധി അസഹിഷ്ണുത കാണിക്കുന്നുവെന്നും അമിത് ഷാ ആരോപിച്ചു.

ഉത്തര്‍പ്രദേശിലെ എസ്.പി- ബി.എസ്.പി സഖ്യത്തെയും അമിത് ഷാ വിമര്‍ശിച്ചു. കരിമ്പ് കര്‍ഷകര്‍ക്ക് പണം നല്‍കിയില്ലെന്നും പറഞ്ഞ് യോഗി സര്‍ക്കാരിനെതിരെ എസ്.പി- ബി.എസ്.പി സഖ്യം നടത്തുന്ന വിമര്‍ശത്തില്‍ കഴമ്പില്ലെന്ന് അദ്ദേഹം പറഞ്ഞു.