കോഴിക്കോട്: യു.എ.ഇ എസ്.കെ.എസ്.എസ്.എഫിനു കീഴില്‍ ചാര്‍ട്ട് ചെയ്ത രണ്ടാമത് വിമാനം റാസല്‍ഖൈമ എയര്‍പോര്‍ട്ടില്‍നിന്ന് 175 യാത്രക്കാരുമായി കോഴിക്കോട്ട് പറന്നിറങ്ങി. 13 ഗര്‍ഭിണികള്‍, ചികിത്സ അത്യാവശ്യമായ 13 പേര്‍, ജോലി നഷ്ടപ്പെട്ട 68 പേര്‍ എന്നിവര്‍ ഉള്‍പ്പെടെ 175 പേരാണ് ഈ വിമാനത്തില്‍ നാട്ടിലെത്തിയത്. തുടര്‍ന്നുള്ള ദിവസങ്ങളില്‍ യു.എ.ഇയിലെ വിവിധ എയര്‍പോര്‍ട്ടുകളില്‍ നിന്നായി 17 വിമാനങ്ങള്‍ ചാര്‍ട്ട് ചെയ്യുന്നതിനുള്ള നടപടികള്‍ പൂര്‍ത്തിയായിട്ടുണ്ട്.
യാത്രയയപ്പ് സംഗമം യു.എ.ഇ സുന്നീ കൗണ്‍സില്‍ വര്‍ക്കിങ് സെക്രട്ടറി അലവിക്കുട്ടി ഫൈസി മുതുവല്ലൂര്‍ ആദ്യ യാത്രക്കാരന് ടിക്കറ്റ് നല്‍കി ഉദ്ഘാടനം ചെയ്തു. യു.എ.ഇ എസ്.കെ.എസ്.എസ്.എഫ് ട്രാവല്‍ ആന്‍ഡ് ലീഗല്‍ വിഭാഗം ചെയര്‍മാന്‍ ഷിഹാസ് സുല്‍ത്താന്‍ അധ്യക്ഷനായി. യാത്രക്കാര്‍ക്ക് സുരക്ഷാ സാമഗ്രികളടങ്ങിയ കിറ്റ് വിതരണോദ്ഘാടനം പി.കെ അന്‍വര്‍ നഹ നിര്‍വഹിച്ചു. ഷാര്‍ജ ദഅ്‌വ സെന്റര്‍ സെക്രട്ടറി അബ്ദുല്ല ചേലേരി, ഷാര്‍ജ കെ.എം.സി.സി സെക്രട്ടറി അബ്ദുല്‍ ഖാദര്‍ ചക്കനാത്ത് സംസാരിച്ചു.
യു.എ.ഇ എസ്.കെ.എസ്.എസ്.എഫ് നാഷനല്‍ കമ്മിറ്റി പ്രസിഡന്റ് സയ്യിദ് ശുഐബ് തങ്ങള്‍, മന്‍സൂര്‍ മൂപ്പന്‍, റസാഖ് വളാഞ്ചേരി, ഖലീലുറഹ്മാന്‍ കാഷിഫി, ഹുസൈന്‍ ദാരിമി, ശറഫുദ്ദീന്‍ ഹുദവി, അശ്‌റഫ് ദേശമംഗലം, നുഅ്മാന്‍ തിരൂര്‍, നൗഷാദ് ഫൈസി, റാശിദ് കുറ്റിപ്പാല നേതൃത്വം നല്‍കി. അബ്ദുല്‍ ജലീല്‍ ദാരിമി, അബ്ദുല്‍ ഖാദര്‍ ഫൈസി, ജംഷാദ് ഹുദവി, അബ്ദുല്‍ റഷീദ് ബാഖവി, കരീം ഫൈസി മുക്കോട്, സി.സി മൊയ്ദു, ഫൈസല്‍ പുറത്തൂര്‍ സംബന്ധിച്ചു.