ശ്രീനഗര്‍: ജമ്മുകശ്മീരിന്റെ പ്രത്യേക പദവി റദ്ദാക്കിയാല്‍ ഇന്ത്യയില്‍ തുടരണമോയെന്ന കാര്യം പുനപരിശോധിക്കുമെന്ന് പി.ഡി.പി പ്രസിഡന്റ് മെഹ്ബൂബ മുഫ്തി. കശ്മീരിന്റെ പ്രത്യേക പദവി റദ്ദാക്കണമെന്ന ധനകാര്യമന്ത്രി അരുണ്‍ ജെയ്റ്റ്‌ലിയുടെ പരാമര്‍ശത്തിന് മറുപടി പറയുകയായിരുന്നു മെഹ്ബൂബ.

നിങ്ങള്‍ പറയുന്നത് പോലെ എളുപ്പമുള്ള കാര്യമല്ല. ആര്‍ട്ടിക്കിള്‍ 370 ഒഴിവാക്കിയാല്‍ ജമ്മുകശ്മീരുമായുള്ള നിങ്ങളുടെ ബന്ധം അന്ന് അവസാനിക്കും. കേന്ദ്രവും കശ്മീരും തമ്മിലുള്ള പാലമാണ് ആര്‍ട്ടിക്കിള്‍ 370. ഇത് പിന്‍വലിച്ചാല്‍ ഇന്ത്യയില്‍ തുടരുന്ന കാര്യം പുനരാലോചിക്കേണ്ടിവരുമെന്ന് മെഹ്ബൂബ മുഫ്തി പറഞ്ഞു.